Олександр Усик би можел да се соочи со поранешниот светски шампион во тешка категорија, Деонтеј Вајлдер, или со легендата на UFC, Џон Џонс, подоцна оваа година во Соединетите Американски Држави.
Ова го откри спортскиот директор на тимот на Украинецот, Сергеј Лапин, за „The Ring“.
Според Лапин, персоналот на Усик ги разгледува овие две имиња како потенцијални противници за неговата следна борба.
Веста доаѓа само неколку дена откако тимот на Украинецот објасни дека се откажал од светските титули во WBA, WBC, IBF и IBO за да направи место за ново обединување на појасите во тешка категорија, а во исто време планира да ја заврши својата легендарна кариера со последнa борбa во Соединетите Американски Држави.
Евентуалниот судир со Деонтеј Вајлдер би ги спротивставил двајца од најуспешните боксери во последната деценија, додека борбата со Џон Џонс би станала еден од најзначајните настани во историјата на борбените спортови.
Во оваа фаза, нема официјална потврда која од двете опции е поблиску до реализација, ниту кога може да биде објавен следниот меч на Усик.
