Младата суперѕвезда на шпанската репрезентација, Ламин Јамал не ја криеше својата огромна среќа по пласманот на „ла роха“ за шеснаесетфиналето на Светското првенство во 2026 година.
Шпанците победија со 3:0 над жилавата репрезентација на Австрија, што им обезбеди визи за следната фаза во Далас. Иако крилниот напаѓач не успеа да постигне гол на овој натпревар, тој демонстрираше исклучително зрело однесување и најави дека вистинскиот турнир дури сега започнува, кога секоја грешка значи елиминација.
Осумнаесет годишниот играч на Барселона сподели дека веќе се чувствува целосно закрепнат и подготвен за големите битки во елиминациите.
„Многу сум среќен, излеговме со идеја дека сакаме да одиме во Далас и да играме во осминафиналето. Почнувам повторно да се чувствувам како себеси. Сега сум 100% подготвен и сум подготвен за она што претстои. Да, денес го промашив голот, но се додека тимот победува, тоа е најважно. На Светското првенство, ако изгубиш, си одиш дома. Сега треба да се одмориме и целосно да размислуваме за нашиот следен противник“, рече Јамал.
