Најдобриот стрелец на Франција, Килијан Мбапе, останува цврсто на земја и покрај неговата брилијантна игра од почетокот на Светското првенство во 2026 година. Ѕвездата на „петлите“ постигна два гола во победата од 3-0 над Шведска во шеснаесетфиналето и сега има 6 гола на ова првенство и вкупно 18 на завршниците на светски првенства.
„Знам за што играм и што се очекува од мене. Тоа важи за целиот тим“, рече Мбапе веднаш по натпреварот.
„Почнавме малку плашливо, но потоа создадовме многу шанси. Можевме да го постигнеме првиот гол порано, но генерално ја контролиравме играта“, рече напаѓачот.
Тој, исто така, коментираше за својата радост по еден од головите, кога отиде до аут-линијата и го прегрна тренерот Дидие Дешан.
„Сите сме заедно. Тренерот помина низ тешки времиња. Има поважни работи од фудбалот. Овој гест е од целиот тим, сите сме со него“, рече Мбапе.
„Атмосферата во тимот е одлична. Веќе размислуваме за следниот натпревар. Не треба да го потценуваме Парагвај, кој ја елиминираше Германија“, додаде стрелецот на „петлите“.
