Хрватскиот играч од средниот ред, Петар Сучиќ, го изрази своето незадоволство од судењето на натпреварот против Португалија (1:2) во шеснаесетфиналето на Светското првенство.
„Се чувствувам скршено. Но, горд сум на нашиот тим, особено на начинот на кој игравме во второто полувреме. Заслужувавме повеќе, барем продолженија. Игравме навистина добро и создадовме многу шанси“, рече Сучиќ.
„Ни беа поништени три гола. Би сакал некој да ми објасни некои од судиските одлуки. Имаше премногу контроверзни моменти кои беа пресудени против нас. На крајот на краиштата, мора да ѝ честитаме на Португалија за продолжувањето понатаму“, додаде тој.
Хрватскиот играч од средниот ред, исто така, сподели за средбата со Кристијано Роналдо по последниот свиреж: „Кога Кристијано Роналдо дојде кај мене, бев малку шокиран. Рече дека ова е фудбал и во него се случуваат секакви работи. Ме пофали и ми рече да продолжам понатаму, и во иднина сè ќе биде во ред.“
Сучиќ, исто така, коментираше за поништениот гол на крајот од натпреварот: „Судијата рече дека Матановиќ ја допрел топката, односно дека тоа го покажал чипот во неа. Не знам што да кажам. Според мене, тој не ја допрел и голот бил регуларен. Можеби требаше да погледнам повнимателно. Исто така, мислам дека мојот гол требаше подобро да се анализира за да се открие дали имало офсајд.“
Во врска со иднината на Лука Модриќ во репрезентацијата, Сучиќ рече: „Не сме разговарале за иднината на Лука Модриќ во тимот. Тој е лидер, капитен, најдобар играч – што и да одлучи, ние ќе го почитуваме.“
 во шеснаесетфиналето на Светското првенство){kind=link}