Тешки критики кон Анчелоти: Го користи Нејмар за да го прикрие слабиот настап на Бразил

Поранешниот бразилски репрезентативец, Луисао остро го критикуваше сегашниот тренер на тимот, Карло Анчелоти. Поточно, тој верува дека Италијанецот ја користи бучавата околу Нејмар за да го одвлече вниманието од настапот на својот тим. На Светското првенство, „селесао“ досега ремизира 1-1 против Мароко, пред да го победи Хаити со 3-0

Прегледи:

Датум:

Поранешниот бразилски репрезентативец, Луисао остро го критикуваше сегашниот тренер на тимот, Карло Анчелоти. Поточно, тој верува дека Италијанецот ја користи бучавата околу Нејмар за да го одвлече вниманието од настапот на својот тим. На Светското првенство, „селесао“ досега ремизира 1-1 против Мароко, пред да го победи Хаити со 3-0.

„Мислам дека Анчелоти грешеше уште од првиот ден откако дојде. Грешеше што го користеше Нејмар за да го прикрие сопствениот настап, кој требаше да го постигне: резултати, организација на тимот… Не, тој секогаш претпочиташе да зборува за Нејмар за никој да не зборува за тоа како изгледаат натпреварите на националниот тим. Тој не се подобри, не напредуваше, мислам дека го води тимот ужасно“, коментираше поранешниот дефанзивец на Бенфика.

Луисао дури отиде и подалеку од спортскиот план, обвинувајќи го Италијанецот дека дури и не може ефикасно да комуницира.

„Според мене, се чини дека Анчелоти е против бразилскиот народ. Тој треба да се промени, треба да го разбере општеството, Фелипао (Луис Фелипе Сколари, поранешен селектор на Бразил и Португалија – н.з.) е во Соединетите Држави, нека го праша, нека поставува прашања… но се чини дека патот е „што мислам, што сакам, точка“. Тренер не може да биде таков“, додаде 45-годишниот Луисао.

Сподели:

повеќе вести
ПОВРЗАНИ

Адидас нема да произведува топки за Лигата на шампионите, започнува нова ера со Најк

Американската компанија Најк ќе биде официјален снабдувач на топки...

Арсенал и Деклан Рајс се согласија за нов договор

Арсенал постигна согласност со една од нивните големи ѕвезди...

Лига на нации: Ноќ за паметење за Германија, кошмар за Шкотска

Вечерва беа одиграни натпреварите од последното коло во групната...

Шест од шест: Македонија потона и против Словенија, Седлоски ја заврши Лигата на нации без бод!

Македонската фудбалска репрезентација го запиша и шестиот пораз во...