Ал-Наср ја потврди својата титула во последното коло од Саудиската професионална лига по убедливата победа од 4-1 над Дамак.
Тимот од Ријад можеше веќе да го реши прашањето за шампионот во претходното коло, но тогаш несмасната реакција на голманот Бенто ја одложи прославата до крајот на првенството.
Домашниот тим долго време се обидуваше да го скрши отпорот на Дамак, а патот до титулата го отвори Садио Мане со гол во 34-тата минута. Кингсли Коман ја зголеми предноста на почетокот на второто полувреме, по што на трибините започна големата прослава на навивачите на Ал-Наср.
The crowd chanting "SIUUUU!" as Ronaldo bangs the drum 🔥 pic.twitter.com/w2YJcxlHXT
— FOX Soccer (@FOXSoccer) May 21, 2026
Дамак накратко ја врати неизвесноста кога Морлаје Сила намали на 2:1 од пенал во 58-та минута, но дилемата околу победникот брзо ја реши Кристијано Роналдо.
Tears of joy flowing again for Cristiano Ronaldo 🥹 pic.twitter.com/QFMzLARgN0
— FOX Soccer (@FOXSoccer) May 21, 2026
Португалецот го постигна својот 972-ри гол во кариерата во 63-та минута, а потоа постигна уште еден гол во 81-та минута за конечни 4:1 и потврда за големата прослава во Ријад.
WHAT A SEASON. Cristiano Ronaldo leads Al Nassr to the Saudi Pro League title 🎉 pic.twitter.com/zIDhTJXUGW
— FOX Soccer (@FOXSoccer) May 21, 2026
За Ал-Наср, ова е прва титула во Саудиска Арабија од сезоната 2018/2019, а воедно и прв трофеј откако Кристијано Роналдо пристигна во клубот во текот на сезоната 2022/2023.
