На нешто помалку од еден месец до официјалната церемонија за доделување на Златната топка, кога ќе се знае кој ќе го наследи Усман Дембеле, Килијан Мбапе доживеа непријатен удар во анкетата спроведена од „Марка“, еден вид јавно гласило на Реал Мадрид.
Имено, читателите на „Марка“ го избраа Ламин Јамал како играч кој најмногу ја заслужува оваа награда, додека Мбапе заврши на второто место.
Според најновите податоци, повеќе од 200 илјади луѓе гласале во анкетата, а Јамал остварил јасна предност, освојувајќи 29% од гласовите.
Мбапе го освои второто место со 19 проценти од гласовите.
Патем, победата на Јамал во анкетата на „Марка“ доаѓа во време кога соперништвото меѓу дуото се загрева, откако двајцата разменија мислења за нивните шанси да ја освојат „Златната топка“ во последните недели.
Потсетуваме дека церемонијата на доделување на наградите „Златна топка“ ќе се одржи на 26 октомври во Лондон.
