Барселона со став по пријавата на Реал Мадрид до УЕФА

Раководството на Барселона излезе со официјален став откако УЕФА потврди дека добиле документација од Реал Мадрид во врска со таканаречениот случај „Негреира“

Прегледи:

Датум:

Раководството на Барселона излезе со официјален став откако УЕФА потврди дека добиле документација од Реал Мадрид во врска со таканаречениот случај „Негреира“. Каталонскиот клуб категорично нагласи дека седиштето на европскиот фудбал не покренало нова дисциплинска постапка против нив.

„Постапката беше отворена на почетокот на 2023 година со назначување на двајца инспектори, кои оттогаш ги презедоа потребните мерки според нивно мислење. Клубот отсекогаш ги исполнувал сите нивни барања. Оваа истрага не може да биде обновена, бидејќи никогаш не е завршена“, се наведува во официјалното соопштение на клубот од „Камп Ноу“.

Барселона додаде дека писмото од УЕФА само го потврдува прифаќањето на документите испратени од Реал Мадрид, кои ќе бидат испитани во рамките на веќе постоечката инспекција. Во соопштението се нагласува дека европската фудбалска централа двапати експлицитно го дефинирало процесот како „тековен“. Поради оваа причина, нема одлука за отворање, повторно отворање или реактивирање на случај, ниту пак е изразен став за содржината или вредноста на доставените материјали.

„До денес, не се поднесени нови барања до ФК Барселона, ниту пак клубот е официјално информиран за жалбата на Реал Мадрид. Кога тоа ќе се случи, клубот ќе одговори брзо, како што правеше и досега. Во согласност со важечкото законодавство во оваа област, развојот на овој случај зависи и ќе продолжи да зависи од одлуката на кривичната постапка што се води во Шпанија“, се додава во соопштението.

Каталонските гиганти, исто така, потсетуваат дека од почетокот на истрагата, редовно добивале лиценца од УЕФА и учествувале на европски клупски турнири без прекин.

Сподели:

повеќе вести
ПОВРЗАНИ

Адидас нема да произведува топки за Лигата на шампионите, започнува нова ера со Најк

Американската компанија Најк ќе биде официјален снабдувач на топки...

Арсенал и Деклан Рајс се согласија за нов договор

Арсенал постигна согласност со една од нивните големи ѕвезди...

Лига на нации: Ноќ за паметење за Германија, кошмар за Шкотска

Вечерва беа одиграни натпреварите од последното коло во групната...

Шест од шест: Македонија потона и против Словенија, Седлоски ја заврши Лигата на нации без бод!

Македонската фудбалска репрезентација го запиша и шестиот пораз во...