Доменико Тедеско повеќе не е тренер на фудбалерите на Болоња, објави денес италијанскиот клуб.
„Болоња го отпушти Тедеско од должноста тренер на првиот тим. Клубот искрено му се заблагодарува за работата што ја заврши професионално и стручно. Болоња им посакува на Тедеско и на неговиот тренерски штаб се најдобро во нивните идни кариери“, соопшти Болоња на својата официјална веб-страница.
Тедеско (41) ја презеде Болоња на почетокот на јуни оваа година.
Италијанските медиуми објавуваат дека Тедеско е отпуштен поради лошите резултати на Болоња на почетокот од Серија А. Болоња забележа еден нерешен резултат и три порази во првите четири кола од новата сезона во италијанското првенство и е на 16-то место на табелата.
„Раководењето со тимот му е доверено на Рафаеле Паладино, кој потпиша договор до 30 јуни 2029 година, а денес ќе го има својот прв тренинг во 16 часот“, додаде Болоња во соопштението.
Паладино (42) претходно беше тренер на Аталанта, Фиорентина и Монца.
