Претседателот на УЕФА, Александар Чеферин, ја критикуваше ФИФА за прескапите билети за претстојното Светско првенство во САД, Мексико и Канада.
Скапите билети за најголемиот спортски настан во годината одвратија многу љубители на фудбалот и ентузијасти, искрени фанови, дури и од размислување за одење на Светското првенство, тврди Чеферин.
Тој е свесен и дека стадионите ќе бидат полни, но само оние навивачи со подлабок џеб ќе ги полнат, а тоа, како што вели, не е она што е суштината на фудбалот и ваков вид натпреварување.
„Мислам дека има многу богати луѓе во САД кои можат да си дозволат билети и да ги полнат трибините за време на Светското првенство. Но, дали тоа е поентата на фудбалот? Не сум сигурен. Затоа УЕФА ќе ги задржи старите цени на билетите за следното Европско првенство“, рече Чеферин, директно повикувајќи го претседателот на ФИФА, Џани Инфантино.
Шефот на УЕФА, секако, е јасен дека организаторите сакаат да остварат профит, но вели дека се обидуваат да го добијат тоа на погрешен начин.
„Ако навистина сакаат да остварат профит, треба да ја зголемат цената на билетите за специјалните ложи. Има доволно богати луѓе во светот кои ќе купат место во специјалните ложа дури и за повеќе пари. Но, не им го одземајте фудбалот на вистинските навивачи. Билет за финалето чини 7.500 евра, а додадете авионска карта и хотел. Нема многу вистински навивачи кои можат да си го дозволат тоа. Секако, на крајот ќе речат дека стадионите сепак биле полни, но не сум сигурен дека тоа е суштината на фудбалот.“
