Англиската Премиер лига, шпанската Ла Лига, италијанската Серија А и германската Бундеслига издадоа заедничка изјава во која бараат ФИФА да се реформира.
Барањето на четири од петте најдобри европски лиги е поврзано со неуспешниот план на претседателот на ФИФА, Џани Инфантино, за продажба на акции на турнири што се одржуваат под покровителство на светското фудбалско тело, вклучувајќи го и Светското првенство за мажи.
Заедничката изјава на четирите лиги го обвинува претседателот на ФИФА за активно промовирање „идеи што водат кон експлоатација, наместо да се обидува да штити од нив“.
“Football’s longstanding foundations have, in recent years, been threatened by a fundamental governance problem whereby FIFA’s president has actively promoted exploitative ideas rather than safeguarding
against them”. Damning joint statement about Gianni Infantino from Premier… pic.twitter.com/kMFSAYT8My— Henry Winter (@henrywinter) September 25, 2026
Соработката меѓу четирите водечки европски лиги го зголемува притисокот врз Инфантино, кој има намера да се кандидира за нов мандат на претстојниот Изборен конгрес на ФИФА.
Сепак, голем број национални федерации, главно во Европа, веќе објавија дека нема да го поддржат Швајцарецот во врска со неговиот контроверзен план за продажба на правата за Светското првенство преку подружница.
„Во последниве години, долгогодишните темели на фудбалот беа загрозени од фундаментален проблем во управувањето“, се вели во соопштението на англиската, шпанската, италијанската и германската лига.
