Германскиот политичар Саша Биндер побара од Германската фудбалска федерација (DFB) да му забрани на претседателот на ФИФА, Џани Инфантино, пристап до сите стадиони во земјата.
Со овој необичен потег, социјалдемократот има намера да испрати порака против контроверзните планови на раководството на ФИФА, објави Goal.com.
Тој испрати писмо до DFB во кое бара решителни мерки против Инфантино. Германскиот весник BILD објави дека ја видел содржината на писмото.
„Предлогот на Инфантино да ги продаде комерцијалните права на Светското првенство на инвеститори е најновиот во низата грешки и штетни одлуки. За да се испрати симболична порака, ве молам да му забраните на Џани Инфантино пристап до сите стадиони на германските клубови“, рече тој, додавајќи:
„Ова би ставило до знаење дека клубовите и DFB повеќе нема да дозволат фудбалот да биде уништуван од луѓе кои воопшто немаат интерес за спортот, туку се водени исклучиво од други интереси.“
Со овој повик, германскиот политичар сака да го нагласи своето верување дека фудбалот треба да биде заштитен од понатамошна комерцијализација. Тој верува дека DFB и германските клубови мора заеднички да испратат силен сигнал до ФИФА.
 да му забрани на претседателот на ФИФА, Џани Инфантино, пристап до сите стадиони во земјата){kind=link}