Најголемото дерби во германскиот фудбал се игра оваа сабота на „Алијанц Арената“. Баерн Минхен ќе биде домаќин на Борусија Дортмунд во првиот „Дер Класикер“ за сезоната.
Двата ривали веќе се сретнаа оваа сезона, кон крајот на август во Суперкупот, кога Баварците славеа со резултат од 2:1. Нико Ковач никогаш не победил во дербито како тренер на Борусија.
„Мораме да играме на највисоко ниво, но ние сме Борусија, имаме свои стандарди и сакаме да се придржуваме до нив. Во вакви натпревари, најважно е да се искористи поседот на топката и да се обидеме да го неутрализираме притисокот на Баерн“, рече Ковач.
Пред големиот судир, главна тема беше Хари Кејн, кој ја освои „Златната топка“ во понеделникот.
„Нема потреба да се зборува многу повеќе за него. Фактот дека ја освои „Златната топка“ кажува сè. Не му беше дадена, ниту ја купи, туку работеше напорно за да ја освои. Се покажа како врвен играч во Англија, а еве направи уште еден огромен чекор напред. Тој веќе беше фантастичен фудбалер во Англија, но да се постигне таков напредок на негови години е навистина сензационално. Тоа само покажува колку е добар и колку е опасен за секој противник“, рече Ковач.
Ковач нагласи дека запирањето на англискиот напаѓач ќе бара колективен напор.
„Реално е дека нема да можеме да го запреме во натпревар еден на еден. Мораме да го направиме тоа заедно. Ни требаат сите 11 играчи. Само ако сите се на највисоко ниво, можеме да постигнеме добар резултат во Минхен. Ако не успееме во тоа, ќе ни биде многу тешко“, заклучи Ковач.
