Голманот на Реал Мадрид, Тибо Куртоа, изјави дека нема да игра за Белгија во Лигата на нации, објави денес Ројтерс.
Куртоа (34) по Светското првенство наговести дека можеби ќе ја пропушти Лигата на нации за да има повеќе одмор по исклучително напорната сезона и големиот број натпревари во клупски и меѓународни натпреварувања.
Куртоа рече дека новиот селектор на Белгија, Марк ван Бомел, ја разбира неговата одлука.
„Донесов одлука да не играм во Лигата на нации. Сепак, ако тренерот има проблеми со повредите на голманите, тогаш можам да се приклучам на тимот. Тоа исто така значи дека нема да играм на евентуалниот финален турнир на ЛН“, изјави Куртоа за белгискиот весник HLN.
