Претседателот на Барселона, Жоан Лапорта денеска за прв пат го спомена случајот со напаѓачот Хулијан Алварез, откривајќи детали за преговорите со првите луѓе на Атлетико Мадрид.
„Разговарав лично со Атлетико и им ставив до знаење што се случува: им испративме понуда за одредена сума и знаеме дека долго време сакал да дојде во Барселона, уште од времето кога беше во Манчестер Сити“, вели Лапорта.
„Во оваа смисла, ја дадовме оваа понуда со сета почит кон Атлетико. Разговарав и со Серезо и со Мигел Анхел Хил. Понудата беше испратена и Атлетико ми кажа дека немаат намера да го продаваат бидејќи немаат алтернатива на позицијата напаѓач“, додаде тој.
„Им кажав дека, доколку имаат алтернативи, понудата останува валидна. Ќе ја задржиме оваа понуда цврста онолку долго колку што сметаме дека треба. Но, нема да биде на сметка на она што Атлетико Мадрид може да ни го каже за ова прашање. Тие знаат каква е нашата волја, ако сакаат да го сторат тоа, ќе бидеме воодушевени“, вели Жоан Лапорта.
„До моментов, Атлетико велеа дека нема да го продадат Алварез. Сега, тие не го продаваат затоа што се чини дека немале алтернатива…“.
„Се надевам дека ако Атлетико Мадрид може да најде алтернатива, тие ќе го продадат Алварез“, објасни Лапорта
Денес претседателот на Атлетико, Енрике Серезо, изјави: „Немавме понуди. Дури и да ги имаме… Хулијан очигледно не е за продавање“, пишува Фабрицио РОмано.
