Поранешниот кошаркар на Ефес, Ник Вајлер-Бaб, е новото засилување на Асвел, откако потпиша двегодишен договор со францускиот клуб. Вајлер-Бaб ја помина претходната сезона во дресот на Ефес.
Претходно играше за Баерн – пет години, додека во својата прва сезона во Европа играше за Лудвигсбург.
Претходно ја градеше својата кариера во колеџ натпреварувањата, каде што играше за Арканзас и Ајова Стејт. Исто така, влезе на НБА драфтот во 2019 година, но не беше избран – па се упати кон Германија.
Во последната сезона за Баерн, бекот беше најдобар крадец и дефанзивец во Евролигата, како и во Бундеслигата. Двапати беше шампион на Германија со клубот од Минхен, со кого освои и два Купа.
Оваа сезона, 30-годишникот имаше просек од 7,7 поени, 3,4 скока и 4,8 асистенции по натпревар во Евролигата.
Тој беше клучен член на германскиот тим кој го освои четвртото место на Олимписките игри во Париз и бронзен медал на Европското првенство во 2022 година.
Вајлер-Баб се приклучува на амбициозниот проект на Асвел. Тони Паркер е новиот тренер на тимот на Вилербан, а неодамна беше претставен и поранешниот плејмејкер на Жалгирис, Силван Франциско.
Асвел ќе има драстично зголемен буџет следната сезона. Паркер зборуваше и за неколку нови играчи, а официјално соопштение се очекува во наредните денови.
