Португалскиот стручњак и актуелен тренер на Бенфика, Жозе Мурињо, би можел да се врати во Англија, или поточно во Премиер лигата. Имено, како што пишува „Гол“, Њукасл е заинтересиран за Мурињо, од каде веруваат дека би можеле да се борат за трофеи со Португалецот.
Мурињо во својата кариера освои неколку титули во Англија и Италија, а освои и две Лиги на шампиони. Тој е познат по своите лидерски вештини и способност да создаде победнички менталитет во секој клуб.
Од друга страна, Њукасл го освои својот прв домашен трофеј по 70 години минатата година триумфирајќи во Карабао купот, а две од последните три сезони ги поминаа во европските натпреварувања.
Сепак, оваа сезона клубот падна на дното од табелата во Премиер лигата, што создаде притисок врз тренерот Хау и предизвика разговори за враќање на Мурињо во Англија, поточно на „Сент Џејмс Парк“.
За потсетување, шпанските медиуми, исто така, сериозно пишуваат дека Мурињо е еден од кандидатите да го преземе Реал Мадрид.
