Шест натпревари без постигнат гол трае негативната низа на Македонија откако синоќа бевме поразени и од Словенија со 2:0 на гостински терен во дуел од Лигата на нациите.
Селекторот на репрезентацијата Гоце Седлоски, сепак бара од сите трпение и не се откажува од тоа што го „зацртал“.
„Поразот боли, разочарани сме. Не успеавме да постигнеме гол, но создадовме шанси. Имавме пад од околу десет минути во второто полувреме, што противникот го искористи“, изјави селекторот.
Седлоски вели дека процесот на подмладување започнал и нема да се откаже од тоа.
„Имаме млади играчи кои доаѓаат, како Гаштаров, Азер, Мелиќи и други. Нема да застанеме тука. Сакам да создадам добра репрезентација, но за тоа ми е потребно време. Ќе има подобри денови. Победите и резултатите ќе дојдат, само потребно е трпение“, додаде Седлоски.
