Селекторот на Хрватска, Златко Далиќ, верува дека вистинската акција во судирот против Португалија во шеснаесетфиналето на Светското првенство ќе се одвива на средината на теренот, каде што двата тима можат да се пофалат со одлични играчи за врска. Натпреварот е закажан за вечерва во 01:00 часот по наше време.
„Верувам дека ова ќе биде битка на играчи за врска. Португалија има одлични играчи во средниот ред. Тактички се многу добри. Во овој натпревар, секоја грешка ќе биде казнета“, рече Далиќ на прес-конференција во Торонто.
„Ова е тим кој сака постојано да ја има топката. Имаат малку слабости. И можат да создадат опасност во секое време“, рече Златко Далиќ и за репрезентацијата на Португалија.
Натпреварот во Торонто може да послужи и како „лебедова песна“ за најискусните – Лука Модриќ и Кристијано Роналдо.
Хрватскиот голман Доминик Ливаковиќ даде дипломатска оценка за двајцата еминентни фудбалери: „Има двајца клучни играчи кои одлично ја завршија работата. Убеден сум дека Лука ќе го продолжи својот пат напред. Можам да зборувам само позитивно за двајцата.“
