Капитенот на фудбалската репрезентација на Португалија, Кристијано Роналдо, испрати порака до навивачите пред дуелот со Хрватска во шеснаесетфиналето на Светското првенство.
Роналдо ги повика португалските навивачи да дојдат на стадионот во Торонто во голем број и да ја поддржат репрезентацијата преку социјалните мрежи.
„Да се чувствуваме како дома“, напиша Роналдо, алудирајќи на желбата Португалија да има атмосфера како на домашен терен.
Натпреварот го најави и селекторот на Португалија, Роберто Мартинез, кој истакна дека најважниот дел од натпреварувањето за неговата репрезентација сега започнува.
„За нас, второто Светско првенство сега започнува“, рече Мартинез, нагласувајќи дека нема простор за грешки во нокаут фазата.
Дуелот помеѓу Португалија и Хрватска би можел да биде и последната средба помеѓу Кристијано Роналдо и Лука Модриќ на Светското првенство, со оглед на тоа што двајцата се во последната фаза од нивните меѓународни кариери.
Натпреварот помеѓу Португалија и Хрватска ќе се игра ноќта помеѓу четврток и петок од 01:00 часот.
