Евролигата би можела да се соочи со важна одлука во наредниот период, бидејќи прашањето за враќање на руските клубови во европските натпреварувања е повторно отворено.
Откако Меѓународниот олимписки комитет ја укина суспензијата на руските спортисти, во Русија сè повеќе се поставува прашањето дали клубовите од таа земја би можеле повторно да играат во Евролигата и Еврокупот.
Руските тимови, особено ЦСКА, не учествуваат во Евролигата четири сезони, по одлуките донесени поради војната во Украина.
Како резултат на тоа, Евролигата беше прашана за евентуалното враќање на руските клубови, а натпреварувањето рече дека е прерано да се зборува за конечна одлука:
„Прерано е да се дискутира за оваа одлука на МОК и како таа ќе влијае на нашите натпреварувања. Конечната одлука за тоа дали руските тимови повторно ќе учествуваат во Евролигата и Еврокупот ќе ја донесе Одборот на директори на Евролигата за комерцијални работи. Ќе ве информираме кога нашите акционери ќе одлучат за ова прашање.“
МОК препорача меѓународните федерации да ги укинат санкциите за руските спортисти, но кога станува збор за клупската кошарка, Евролигата ќе го има последниот збор, пишува Телеспорт
