Данскиот кошаркар Ифе Лундберг го продолжи договорот со Макаби, објави денес клубот од Тел Авив. Во соопштението се наведува дека данскиот кошаркар потпишал нов, тригодишен договор со Макаби.
Лундберг пристигна во Макаби во ноември минатата година од Партизан, откако не ги исполни очекувањата во црно-белиот дрес.
Данскиот кошаркар имаше просек од 11 поени и 3,6 асистенции по натпревар за тимот од Тел Авив во Евролигата минатата сезона.
„Исклучително сум возбуден што ќе го продолжам ова патување со Макаби. Ова е место каде што можам да го реализирам мојот целосен потенцијал и да му помогнам на тимот на најдобар можен начин. Ова е одлична можност да се борам за титулата во Евролигата“, рече Лундберг, според официјалната веб-страница на клубот.
Пред Макаби и Партизан, Лундберг играше за ЦСКА, Виртус Болоња, Феникс, Зјелона Гора, Тенерифе, Манреза, Хорсенс, Херлев и Фалкон.
