Кошаркарскиот тим Барселона започна голема реконструкција на тимот во обид да се врати на врвот на европската кошарка.
Според „Мундо Депортиво“, каталонскиот клуб веќе донесе осум нови играчи, додека девет го напуштија тимот. Исто така, се очекува наскоро да биде официјализирано заминувањето на Токо Шенгелија во Дубаи.
Новиот проект ќе го води Александар Секулиќ, а Барселона сака да создаде помлад, побрз и физички посилен тим.
Џастин Робинсон и Умоја Гибсон пристигнаа на позициите бек, додека Агустин Убал се враќа во Палау по сезоната помината во Манреза.
Поранешните НБА играчи Стенли Умуде и Тајрис Мартин се ангажирани на крилата, од кои се очекува да донесат атлетизам, дефанзивна разноврсност и дополнителна цврстина.
Реконструкцијата на централната линија сè уште не е завршена.
Оливие Нкаму, Џош Нибо и Олек Балцеровски се веќе дел од новата внатрешна ротација, но Барселона сè уште бара стартен центар по заминувањето на Мозес Рајт.
Можна цел е Тосан Евбуомван, кој неодамна беше прогласен за најкорисен играч (MVP) на финалето на НБА лигата за развој. Неговото доаѓање би можело да се реализира откако официјално ќе биде потврден трансферот на Шенгелија во Дубаи.
