Македонија ја совлада Швајцарија со 89:76 (37:53) во дуел од четвртото коло во групата „Б“ на Европското првенство од Дивизијата „Б“ за кошаркари до 16 години.
Швајцарија имаше одличен старт и во еден момент водеше со дури 17 поени разлика. Но, македонските кадети покажаа карактер, одиграа фантастично второ полувреме и со голем пресврт стигнаа до заслужена победа.
Ова е втор триумф за „жолто-црвените“ на шампионатот и досега имаат скор од 2-2 по четири одиграни натпревари
Најефикасен во македонскиот состав беше Илија Коневски со 26 поени и шест скока. Александар Зунзуровски постигна 19 поени, со четири асистенции и три скока, додека Дион Шабани реализираше 18 поени, со шест скока и три асистенции.
Македонија утре го игра последниот натпревар од групната фаза. Противник ќе биде Украина, а дуелот започнува од 18:30 часот.
.
