КК Работнички АД Скопје соопшти дека нов член на клубот е македонскиот репрезентативец Кристијан Николов.
Екипата на Работнички во Кристијан Николов добива сериозно засилување на бековските позиции, порачаа од тимот од Градски парк.
Николов е искусен кошаркар со богато меѓународно искуство, кој во текот на својата кариера настапувал во повеќе европски клубови и е еден од препознатливите македонски репрезентативци во изминатите години.
Со својата борбеност, лидерски квалитети, кошаркарско искуство и способност да придонесе на двете страни од теренот, Николов треба да донесе дополнителна стабилност во играта на Работнички.
Со ангажманот на Кристијан Николов, Работнички добива искусен и квалитетен македонски репрезентативец, кој треба да биде значаен дел од тимот во новата сезона, додаваат оттаму.
