Македонскиот кошаркар Матеј Митревски се пресели од редовите на КК Вардар во ТФТ АД Скопје, соопштија од клубот.
Станува збор за 19-годишен млад и перспективен бек-шутер, кој во клубот од Тафталиџе ќе добие можност да продолжи да се развива и да го покаже својот потенцијал.
„Матеј е уште еден дел од нашата определба за развој и афирмација на македонските млади кошаркари, кои ќе имаат шанса за докажување во Првата македонска лига, но и на регионалната сцена во ABA 2 лигата“, стои во краткото соопштение на ТФТ.
