Екипата на МЗТ Скопје вчера објави ново засилување на организаторската позиција. Нов член на тимот од Аеродром е српскиот плејмејкер Тадија Тадиќ.
Тој зад себе има богато регионално и меѓународно искуство, а кариерата ја започнал во белградски Партизан со кого го освои Купот на Србија (2018), а со екипата на Златибор во 2022 година се закити со шампионскиот пехар во АБА2-лигата.
Со јуниорската репрезентација на Србија го освои златото на ЕП 2017 година, а беше дел и од кадетската (У-16) и младинската (У-20) селекција на својата земја.
Покрај Партизан и Златибор, во кариерата настапувал и за Младост Земун, Слобода Ужице, унгарски ДЕАЦ, а добро го познава и нашиот шампионат преку настапите за Куманово.
