Финалниот турнир од Купот на Македонија ќе се одржи од петок до недела во Струмица. Неутралниот терен ќе понуди најреална проценка за моменталната форма на четирите водечки екипи во македонскиот ракомет, а сите со иста амбиција пристапуваат кон борбата за нов трофеј.
Титулата е речиси сигурно во рацете на скопски „Вардар“ по четири години, а Купот може да им понуди утеха на „Еурофарм Пелистер“, „Алкалоид“ и „Охрид“.
Во првото полуфинале во петок ќе се сретнат „Охрид“ и „Еурофарм Пелистер“. „Алкалоид“ и „Вардар“ ќе играат од 20 часот. Финалето е закажано за недела.
Финалниот турнир од женскиот ракометен турнир исто така ќе се игра во Струмица.
