ПСЖ го ангажираше германскиот интернационалец Јури Кнор од Алборг во рекорден трансфер, а 26-годишниот централен бек ќе се приклучи на францускиот клуб во летото 2027 година.
Кнор пристигна во Алборг во 2025 година од Рајн-Некар Левен и имаше договор до 2028 година, но трансферот беше завршен една година порано со договор меѓу клубовите.
„Јури е врвен играч кого многу го цениме, но немаме интерес да задржиме играч кој има различни планови за иднината. Финансиската корист од трансферот е многу важна за нас и ќе ги искористиме тие пари за понатамошен развој на клубот. Веќе пронајдовме квалитетна замена“, рече спортскиот директор на Алборг, Мартин Ларсен.
Le Paris Saint-Germain Handball est heureux d’annoncer l’arrivée de Juri Knorr. 🇩🇪
L’international allemand s’est engagé avec le Club pour la saison 2027/2028, jusqu’en 2030.
🗞️ https://t.co/zkS98ZfcUf pic.twitter.com/XX8UXlbxuz— PSG Handball (@psghand) September 28, 2026
Кнор не криеше дека неговото заминување не било лесно.
„Бев и останувам многу среќен во Алборг. Сепак, сакав нов предизвик и ми е мило што најдовме решение кое им одговара на сите“, рече германскиот репрезентативец.
Кнор ќе има уште една сезона во дресот на данскиот клуб пред да замине. Досега одигра 61 натпревар за Алборг и постигна 266 гола.
