„Мило ми е што Иран беше елиминиран и што нивните играчи нема да се вратат во нашата земја“, рече Марквејн Малин, секретар за внатрешна безбедност на САД, откако иранските играчи завршија со натпреварувањето во групната фаза од Светското првенство.
Иран веројатно беше најнесреќниот тим во првото коло од Светското првенство. Тие ремизираа три пати во нивната Група Г, а во рангирањето на најдобрите третопласирани тимови, тие останаа први под линијата, првите најдобри што не се пласираа во осминафиналето.
Иранците зависеа од натпреварот меѓу Алжир и Австрија и чекаа некој од овие два тима да изгуби. Алжир поведе со 3-2 во 93-тата минута, а со тој резултат, Иран се пласираше понатаму, но Австрија израмни во 96-тата минута, со што заврши настапот на Персијците.
Иран можеше да помине понатаму ако го победеше Египет во третото коло, но натпреварот заврши 1-1. На тој натпревар, на Иранците им беше поништен гол во судиското продолжение поради офсајд.
„Бев многу среќен кога успеав да ги откажам нивните визи и да им кажам да не се враќаат. Тоа ме натера да пеам и да танцувам“, рече Мулин.
Играчите на Иран не беа рамноправни со другите тимови за време на Светското првенство. Нивниот камп беше во Тихуана, Мексико, и имаа постојани временски ограничувања за нивниот престој во Соединетите Држави, пред и по натпреварите.
„Мора да им било поудобно таму во Мексико“, додаде Мулин.
