📷Левандовски официјално во Чикаго

Полскиот фудбалер Роберт Левандовски потпиша договор со Чикаго Фаер, објави американскиот клуб, кој се натпреварува во МЛС лигата.

Во соопштението се наведува дека Чикаго потпишал договор со Левандовски до крајот на сезоната 2027/2028, кој ќе стапи на сила по финализирањето на визата и меѓународниот трансфер на полскиот фудбалер.

„Доаѓањето на Левандовски ја зајакнува нашата амбиција да се натпреваруваме за трофеи и ги крева стандардите на клубот на висина достојна за овој град. Едвај чекаме да почнеме да работиме со него и за Чикаго да видиме зошто Левандовски е меѓу најпочитуваните спортски икони во светот“, рече тренерот на Чикаго, Грег Берхалтер.

WHAT. A. DAY.

Goodnight, Chicago 🔥 pic.twitter.com/EPxUcXPHZc

— Chicago Fire FC (@ChicagoFire) June 30, 2026

Фудбалерите на Чикаго моментално се на третото место на табелата во Источната конференција на МЛС со 26 бода.

Левандовски (37) играше за Барселона во последните четири години, а пред тоа беше член на Баерн, Борусија Дортмунд, Лех, Прушков и Легија. Тој одигра 167 натпревари за полската репрезентација, постигнувајќи 89 гола.

Полскиот фудбалер би можел да го има своето деби во МЛС за Чикаго на 17 јули во натпревар против Ванкувер.