Српскиот кошаркар Богдан Богдановиќ ќе стане слободен агент, бидејќи Лос Анџелес Клиперс, за кои играше досега, не ја искористија опцијата за продолжување на неговиот договор.
Како дел од договорот на Богдановиќ со клубот од Лос Анџелес, Клиперс имаа опција еднострано да ја продолжат соработката со 33-годишниот српски бек до крајот на сезоната 2026/27, но одбија да го сторат тоа.
Богдановиќ им се придружи на Клиперс во февруари 2025 година од Атланта, а во регуларниот дел од претходната сезона одигра само 23 натпревари, во кои имаше просек од 7,4 поени, 2,6 скока и 2,2 асистенции.
Капитенот на српската репрезентација игра во НБА од 2017 година, додека пред да замине во Северна Америка беше член на Фенербахче и Партизан.
