Џилардино се врати во Парма

Алберто Џилардино ќе ја преземе Парма откако клубот постигна договор со поранешниот италијански репрезентативец да го наследи Карлос Куеста на клупата

Прегледи:

Датум:

Алберто Џилардино ќе ја преземе Парма откако клубот постигна договор со поранешниот италијански репрезентативец да го наследи Карлос Куеста на клупата.

Куста одлучи да го напушти клубот, а челниците на Парма брзо најдоа решение за него и се согласија да соработуваат со Џилардино, кој веднаш ќе го преземе тимот.

Сепак, ова нема да биде обично пристигнување во нов клуб за 44-годишниот Италијанец. Парма е местото каде што Џилардино практично процвета како фудбалер и од талентиран напаѓач прерасна во еден од најдобрите голгетери во Серија А.

Тој пристигна во Парма во 2002 година, а по скромната прва сезона, следеа две сезони во кои постигна 23 гола во првенството. Вкупно, тој одигра 115 натпревари во дресот на „крстоносците“ и постигна 55 гола, пред да се пресели во Милан во 2005 година.

Токму натпреварите во Парма го лансираа на врвот на италијанскиот фудбал и му ја отворија вратата кон националниот тим, со кој подоцна ќе стана светски шампион во 2006 година.

Џилардино сега пристигнува во Парма во сосема поинаква улога, со задача да го стабилизира тимот како тренер по заминувањето на Куеста и да го води проектот на клубот до крајот на сезоната.

За време на неговата тренерска кариера, тој остави најголем белег во Џенова, која ја врати од Серија Б во првата лига, додека неговиот последен ангажман беше во Пиза.

Повеќе од две децении откако го направи можеби најважниот играчки пробив во својата кариера во Парма, Џилардино се враќа на добро познато место, сега од другата страна на аут-линијата.

Сподели:

повеќе вести
ПОВРЗАНИ

Адидас нема да произведува топки за Лигата на шампионите, започнува нова ера со Најк

Американската компанија Најк ќе биде официјален снабдувач на топки...

Арсенал и Деклан Рајс се согласија за нов договор

Арсенал постигна согласност со една од нивните големи ѕвезди...

Лига на нации: Ноќ за паметење за Германија, кошмар за Шкотска

Вечерва беа одиграни натпреварите од последното коло во групната...

Шест од шест: Македонија потона и против Словенија, Седлоски ја заврши Лигата на нации без бод!

Македонската фудбалска репрезентација го запиша и шестиот пораз во...