Селекторот на фудбалската репрезентација на Ирска, Хајмир Халгримсон, ја повика УЕФА во иднина да ги одвои Ирска и Израел при извлекувањето на ждрепката и одредувањето на групите и распоредот на натпреварите.
Халгримсон ги даде коментарите откако Ирска и Израел ремизираа 1-1 во натпревар од Лигата на нации одигран пред празни трибини во Србија.
Натпреварите меѓу двата тима за време на оваа меѓународна пауза беа во центарот на вниманието поради политичките тензии поврзани со војната меѓу Израел и Хамас во Газа, а Фудбалската асоцијација на Ирска беше повикана да ги бојкотира натпреварите.
Heimir Hallgrimsson calls on UEFA to keep Ireland and Israel apart in future after another fractious encounter in Serbia.
Says fatigue after difficult window a factor in 1-1 draw but credits players for not reacting to half-time flashpoint.
#RTEsport https://t.co/dYgOPC7gfi
— RTÉ Sport (@RTEsport) October 4, 2026
Тензиите беа високи и во Србија, каде што, според извештаите на ирските медиуми, фитнес тренерот на Ирска, Дамиен Дојл, наводно бил плукнат од играч на израелската репрезентација на пат кон соблекувалните на полувремето.
Халгримсон потврди дека е свесен за наводите за инцидентот, но рече дека лично не го видел и затоа не сака понатаму да коментира.
На прашањето дали Ирска и Израел треба повторно да играат меѓусебно, Халгримсон рече дека тоа не треба да биде случај и ја повика УЕФА да дејствува.
„Тоа не е наша работа, туку на УЕФА. Очигледно има голема поддршка за Палестина во Ирска. Малку земји ја поддржуваат Палестина толку колку Ирска. Не би сакал ниту една национална репрезентација да помине низ она низ што поминавме ние во изминатите две недели, па можеби УЕФА треба да интервенира и да направи нешто“, рече Халгримсон.
