Капитенот на Манчестер Јунајтед, Бруно Фернандеш, не е на продажба и клубот нема намера да се раздели со него, и покрај тоа што турскиот гигант Галатасарај покажува интерес за него.
Според медиумските извештаи, истанбулскиот тим е подготвен да даде понуда за 31-годишниот Португалец. Тој има уште една година од договорот со „Црвените ѓаволи“, но Јунајтед има опција да го продолжи за уште една сезона.
Сепак, Манчестер Јунајтед нема да разгледа никакви понуди за својот талисман, кој беше прогласен за играч на годината во Премиер лигата минатата сезона откако го сруши рекордот за асистенции. Клаузулата за ослободување од 57 милиони фунти во неговиот договор, која важеше за странски клубови, веќе истече.
Фернандеш откри во декември дека се чувствувал „повреден“ кога Јунајтед му кажал минатото лето дека е слободен да прифати профитабилна понуда од саудискиот клуб Ал-Хилал.
Арапскиот тим наводно бил подготвен да плати трансферна такса од 100 милиони фунти.
