Менаџерот на Ипсвич, Киран Мекена, поднесе оставка и покрај тоа што го водеше тимот до промоција и се очекуваше да ги води „тракторите“ во Премиер лигата следната сезона. Причината за ова не е тоа што ќе се пресели во друг клуб, бидејќи 40-годишниот Англичанец одлучи да направи пауза од фудбалот за да посвети време на своето семејство.
Според „Скај Спортс“, Ипсвич е финансиски заштитен доколку Мекена одлучи да прифати нова работа во следните 12 месеци. Клубот ќе добие надомест што одговара на времето што му е преостанато од договорот до крајот на годината. Моменталната сума е околу 7 милиони фунти.
Мекена го презеде Ипсвич во 2021 година и го водеше тимот до три промоции во последните четири сезони, од кои две беа во Премиер лигата.
📰 Kieran McKenna will step down as Ipswich Town Manager after five seasons at the club.
Kieran has made the decision to step away from football management and dedicate time to his family, having been at the forefront of one of the most successful eras in the club’s history.
— Ipswich Town (@IpswichTown) June 10, 2026
„Чувствувам дека ова е вистинското време да се повлечам. Го правам тоа со голема гордост поради неверојатниот напредок што го постигнавме и со огромна надеж и оптимизам за иднината на клубот. Откако дадов толку многу на мојата работа во текот на изминатите пет сезони, сега со нетрпение очекувам да земам пауза од менаџерската улога и да посветам малку време на моето семејство, кое беше со мене на секој чекор од мојата кариера досега“, рече Мекена.
