Ливерпул официјално го објави потпишувањето на дефанзивецот Роналд Араухо, кој пристигнува на позајмица од Барселона со опција за откуп за 55 милиони евра. Уругвајскиот репрезентативец ќе го носи дресот со број 33 и ќе биде задолжен да ја пополни празнината во одбраната на „црвените“ што остана по заминувањето на Ибрахима Конате.
Барса го потпиша Араухо во 2018 година од Бостон Ривер, а тој првично играше во втората екипа на клубот. Сепак, постепено, 27-годишниот дефанзивец се етаблираше како важна фигура за првиот тим, со кој запиша вкупно 213 натпревари со 14 гола и 7 асистенции, освојувајќи три титули во Ла Лига, два Купа и три Суперкупа на Шпанија.
Тој стана и еден од капитените на тимот. За Уругвај, централниот дефанзивец има 27 натпревари со еден гол и три асистенции.
We have agreed a deal to sign Ronald Araujo on loan from FC Barcelona for the 2026-27 season, subject to a successful work permit application and international clearance 🙌🔴 pic.twitter.com/RGfTzawvqR
— Liverpool FC (@LFC) August 10, 2026
„Едвај чекам да почнам. Многу, многу сум среќен. Возбуден сум што сум тука, во овој огромен клуб со голема историја. Возбуден сум што ќе ги запознаам моите соиграчи и ќе почнам да играм. Многу сум мотивиран и навистина желен да почнам. Мислам дека ова беше совршен трансфер за мене во оваа фаза од мојата кариера. Мислам дека овој трансфер ми беше неопходен. Штом дознав за интересот на Ливерпул, сè се разви многу, многу брзо. Како што реков, многу сум среќен што сум тука и возбуден сум што ќе почнам. Среќен сум за интересот, тоа беше вистинскиот потег во вистинско време“, изјави радосниот Араухо за веб-страницата на клубот.
