Андреа Пирло се согласи да стане селектор на Италија, но се соочи со голем проблем откако јавноста дозна дека тој дејствува како глобален амбасадор за руска обложувалница.
Лидерот на Италијанската фудбалска федерација (FIGC) дебатира дали да го преземе ризикот да го потпише Пирло и со тоа да ја сврти јавноста против нив.
На крајот, самиот Пирло одлучи да го прекине молчењето и да проговори на темата.
„Во последните денови, со голема горчина ја следев дебатата што се разви околу моето име и можноста да ја преземам улогата на селектор на Италија.
Од почит кон институциите, Федерацијата и сите вклучени лица, до сега одбрав да молчам. Сепак, верувам дека е потребно да разјаснам неколку точки.
За време на мојата кариера, прво како играч, а сега како тренер, секогаш ја извршував мојата работа во целосна согласност со законите на земјите во кои работев и договорите што ги потпишав.
Професионалната соработка што беше предмет на неодамнешната контроверзност произлегува од контекстот на моето работно искуство во Обединетите Арапски Емирати и е исклучиво од комерцијална и спортска природа.
Да се припише политичко значење на оваа соработка е како да ми се припишуваат верувања што никогаш не сум ги изразил и кои не ми припаѓаат.
Би сакал да им се заблагодарам на Малдини и Леонардо за почитта и довербата што ми ја покажаа. Ја знам нивната компетентност, нивната сериозност и љубовта што отсекогаш ја посветувале на италијанскиот фудбал.
Жалам што еден чисто спортски избор толку брзо се вовлече во јавна конфронтација што на крајот ми припишаа значења и намери што ги немам.
Мојата љубов кон Италија не зависи од мојата работа. Таа е дел од мојата историја, мојот идентитет и ќе продолжи да ме следи, секогаш“, рече Пирло.
ФИГЦ наскоро ќе донесе конечна одлука, а доколку назначувањето на Пирло не успее, главни кандидати за нов селектор на Италија би биле Антонио Конте и Роберто Манчини.
