Рио Фердинанд и Давид де Хеа би ја прифатиле титулата од 2011/12 доколку му биде одземена на Манчестер Сити и дадена на Манчестер Јунајтед. Вејн Руни вели дека не би се чувствувал удобно и дека Јунајтед не ја заслужил титулата таа сезона.
Иако одземањето на титулите на Манчестер Сити е најмалку веројатниот исход откако беше откриено дека Сити е прогласен за виновен по 114 од 115 обвиненија за кршење на правилата на Премиер лигата, тоа е она што навивачите најмногу ги интересира и за кое најмногу се зборува.
Легендата на Манчестер Јунајтед, Вејн Руни, вели дека Јунајтед не ја заслужува титулата за таа конкретна сезона, 2011/12, дури и ако титулата му биде одземена на Сити.
„Го слушнав Рио како вели дека треба да додадеме уште еден трофеј во колекцијата… Но, искрено, не би бил среќен ако тоа се случи“, рече Руни во поткастот „Stick To United“.
„Не мислам дека ја заслуживме титулата таа сезона, не направивме доволно таа сезона за да бидеме шампиони. Мислам дека имавме предност од шест или седум поени и ја пропуштивме на пет натпревари до крајот“, се присети Руни.
„Видов сè што се случуваше во јавноста во последните неколку дена, слушав што зборуваат луѓето и се обидов да се ставам во кожата на играчите на Манчестер Сити. Тие се играчи, прават сè што можат за да победат и да ја освојат титулата и во нивните умови – токму тоа го направија… Ако тие играчи не знаат што се случува над нив, ако тоа ми се случеше мене… ќе бев скршен, скршен“, искрено рече Руни.
„Тоа може да се случи, тие би можеле да им ги одземат титулите, но јас не го сакам тој медал, не мислам дека го заслужувавме како тим, ако го сакавме, ќе бевме први. Па кога ги слушам моите поранешни соиграчи како велат „Го сакам тој медал“, си мислам – среќен сум со петте што ги освоив. Секако не го освоив тој. Дали треба да ми го одземат поради она што го направија сопствениците на клубот? Веројатно, но не би се чувствувал удобно ако некој ми го дадеше“, заклучи Руни.
Во последното коло од сезоната 2011/12, Манчестер Јунајтед го победи Сандерленд со голот на Вејн Руни, мислејќи дека ја освоиле титулата бидејќи во тој момент Сити губеше со 2-1 од Квинс Парк Ренџерс.
Сепак, Един Џеко постигна гол за израмнување, а Серхио Агуеро ја донесе победата и титулата на Сити.
