Фудбалерите на Шкендија вечерва го совладаа словенечки Браво со 3:1 и се пласираа во 3. коло од Конференциската лига на УЕФА.
Во следното коло, тетовчани ќе се сретнат со победникот од дуелот меѓу Хибернијан и Малишева.
Гостите поведоа во 17 минута со погодокот на Станкович. Шкендија израмни во 36 минута откако автогол си постигна Јован. Круезиу во 50 минута по асистенцијата на Тамба даде гол за 2:1. Ѓорѓиевски во 88 минута ја затресе мрежата за 3:1 за голема радост на „црвено-црните“.
