Сопственикот на Милан и раководител на инвестицискиот фонд „РедБирд“, Џери Кардинале, ја изрази својата непоколеблива поддршка за главниот тренер Рубен Аморим во интервју за „Газета дело Спорт“.
И покрај болниот пораз од Болоња, шефот на „росонерите“ останува убеден дека проектот се движи во вистинската насока, а големата цел останува освојувањето на титулата во италијанското првенство.
„Имам целосна доверба во него. На крајот од „Топ Ган“ – „мојот“ филм – има одлична реплика: „Нема да го напуштам мојот партнер“, вели Том Круз. И нема да го напуштам Рубен. Тој во никој случај не е загрозен. Ќе стојам цврсто покрај него. Нема да ги правам истите грешки што ги направив во последните години. Тој е мој тренер и ќе продолжиме да работиме заедно сè додека не можеме да направиме тој чекор напред во квалитетот на играта“, изјави Кардинале.
Според него, не можете да победувате ако постојано менувате еден тренер за друг.
„Јас лично го избрав Аморим. Да згрешев, ќе го признаев тоа, но не мислам дека сум погрешил. Тој научи од она што се случи во Манчестер Јунајтед. Го ангажирав затоа што ми објасни какви грешки се направени таму. Тој има вистинска култура – тој е лидер, менаџер и добро подготвен тренер. Во Миланело има поинаква атмосфера во споредба со последните четири години – тоа е негова заслуга. Тој учи, а тимот треба да ја пронајде својата внатрешна кохезија – да разбере како да ротира играчи, а сепак да постигнува многу голови и да победува. За мене, нерешено е еквивалентно на пораз. Еден бод не е цел на натпреварот – целта се трите бода. Само со победа можеме да ја намалиме разликата со тимовите на врвот.“, истакна тој.
Тој откри дека во деновите пред секој натпревар, го му се јавува и го прашува: „Како можам да ти помогнам? Што ти треба?“ и тој го смирувал со зборовите: „Ќе се погрижам за сè.“
„Аморим знае дека му го чувам грбот, но исто така знае точно како да си ја заврши работата. Не треба да му дишам во врат – тој има сè под контрола и е исклучителен професионалец кој ги развива луѓето околу него. Одлично се справува со момците и одлично го подготвува тимот. Не мислам дека работите беа вака порано. Искра ми се запали во умот кога пред неколку месеци Златан Ибрахимовиќ ме праша: „Што е всушност Милан?“ Оттогаш, буквално секој ден размислувам за тие зборови и ги ставам во сè што правиме. Ми се допаѓа овој тим, каде што сите се поддржуваат едни со други и нема игри на моќ во соблекувалната – секој дава сè од себе за победата. Само треба да ги погледнеш во очи. Во изминатите години се прашував: „Зошто сум единствениот толку лут кога не победуваме?“ Тоа веќе не е случај – играчите и штабот се исто толку гладни за успех и разочарани од поразите како и јас.“, тврди шефот.
