Поранешниот менаџер на Арсенал, Арсен Венгер, се откажа од трката за претседател на ФИФА, објавија англиските медиуми.
Венгер, кој моментално е директор на ФИФА за глобален развој на фудбалот, размислувал да влезе во трката и наводно имал поддршка од управното тело на европскиот фудбал УЕФА, кое е против новиот мандат на Џани Инфантино.
Неговата одлука претставува значителен поттик за сегашниот претседател на ФИФА во неговиот обид да освои четврти мандат. Сепак, УЕФА не се откажува од својата намера да најде алтернативен кандидат, а рокот за аплицирање истекува во среда.
Инфантино се најде на удар по неуспешниот план за продажба на комерцијални акции на Светското првенство на приватни инвеститори.
Поранешниот играч на Тотенхем, Рамон Вега, и почесниот претседател на Јапонската фудбалска асоцијација, Козо Ташима, се меѓу кандидатите кои претходно го најавија своето учество во изборната трка. Сепак, Ташима сè уште не ги обезбедил потребните пет номинации од федерациите.
Инфантино, од друга страна, сè уште има поддршка од федерациите од Јужна Америка, Африка и Азија, а неодамна изјави дека огромното мнозинство од светскиот фудбал стои зад него.
