Здружението за заштита на човековите права и интегритетот во спортот „FairSquare“ поднесе официјално барање до Комитетот за надзор и управување на ФИФА со барање Џани Инфантино да се прогласи за неподобен за учество на претстојните претседателски избори!
Невладината организација тврди дека дозволувањето на 56-годишниот лидер да се кандидира за четврти мандат на чело на ФИФА би претставувало директно и грубо кршење на статутите на светската фудбалска организација за ограничување на бројот на мандати.
Инфантино ја презеде функцијата претседател на ФИФА во 2016 година по скандалозното заминување на Сеп Блатер. Сепак, во декември 2022 година, Советот на ФИФА во Доха донесе скандалозна одлука дека неговите први три години на функцијата воопшто нема да се сметаат во ограничувањето од три мандати, тврдејќи дека тој само го „завршува“ прекинатиот мандат на Блатер.
Во писмо испратено на 13 август, FairSquare бара одлуката веднаш да се поништи.
„Ве молиме да го прогласите г-дин Инфантино за неподобен за нов мандат, бидејќи тој моментално го отслужува својот трет и последен мандат. Претходната одлука на Управниот одбор да го поништи неговиот прв мандат директно го крши словото и целта на Статутите на ФИФА. Ниту Статутите ниту Правилникот не предвидуваат какво било „олеснување“ или откажување на мандат само затоа што не траел цели четири години. Правилото е јасно и не дозволува никакви исклучоци“, порачаа од FairSquare.
Мандатот на Инфантино на чело на ФИФА во последните месеци беше обележан со низа сериозни скандали што ја разгневија фудбалската јавност. Од сомнителни процеси на доделување до тајни планови за продажба на удели во натпреварувањата на ФИФА на приватни фондови за капитал, шефот на светскиот фудбал се најде сè поизолиран.
„Со оглед на различните злоупотреби на моќ од страна на г-дин Инфантино и неуспехот на Советот на ФИФА да го повика на одговорност, јасно е дека беше неопходен правен одговор за да се избегне поставување опасен преседан за иднината на фудбалот“, додаваат FairSquare.
Доколку му се дозволи повторно да се кандидира и да победи како единствен најавен кандидат, Инфантино ќе ја обезбеди врвната позиција во светскиот фудбал до 2031 година!
