Европската фудбалска асоцијација (УЕФА) ја казни Црвена звезда од Белград со 95.500 евра за нивното недолично однесување за време на реваншот од Лигата на Европа против Лил, објавија српските медиуми.
Според „Мундо Депортиво“, најголемиот дел од казната, 40.000 евра, е изречена за „пренесување порака што се смета за несоодветна за спортски настан, со заклучок дека ова донело срам за фудбалот, особено за УЕФА“.
За време на натпреварот, навивачите на Црвена звезда развија кореографија со ликот на Свети Симеон со пораката „Нека нашата вера нè води до победа“.
„Делиите“ претходно објаснија зошто ќе се развие гореспоменатиот транспарент.
„Пред 19 години, „делии“ ја земаа славата на Свети Симеон Мироносец. Среќна слава на сите што се чувствуваат како дел од Делиите. И да ја славиме во хармонија и радост уште долго време“, се вели во соопштението од навивачите на Црвена звезда.
Симеон Мироносец (Стефан Немања) беше големиот жупан на Рашка, обединител на српските земји, основач на династијата Немањиќ и основач на српската држава, пишуваат српските медиуми.
Покрај тоа, белградскиот клуб беше казнет со 17.000 евра за палење бакљи, 10.500 евра за фрлање предмети на теренот и 28.000 евра за блокирање на скалите.
УЕФА го казни и Лил со вкупно 89.000 евра за слични прекршоци: палење бакљи, фрлање предмети и блокирање на скалите, како и за развевање транспарент „Нема предавање“ на кој Косово е прикажано како дел од Србија.
Лил ја елиминираше Црвена звезда од Белград со вкупен резултат од 2-1 во плејофот за Лигата на Европа.
 ја казни Црвена звезда од Белград со 95.500 евра за нивното недолично однесување за време на реваншот од Лигата на Европа против Лил, објавија српските медиуми){kind=link}