Шпанскиот репрезентативен центар Вили Ернангомез е нов кошаркар на Уникаха, која доби големо засилување за претстојната сезона.
Поранешниот играч на Барселона ја прифати понудата на клубот од Малага и потпиша едногодишен договор, со што јасно стави до знаење дека нема да игра во Евролигата следната сезона.
Ернангомез пристигна во Уникаха и поради тренерот Кус Видорета, со кого претходно соработуваше во шпанската репрезентација. Видорета беше асистент на Серхио Скариоло во тренерскиот штаб на „фуријата“, кога Ернангомез ги постигна своите најголеми успеси со репрезентацијата.
Искусниот центар има богата кариера зад себе и статус на еден од најтрофејните шпански кошаркари во последната деценија. Беше МВП на Европското првенство, освои две титули европски шампион со шпанската репрезентација, како и злато на Светското првенство.
Во текот на својата кариера играше за Реал Мадрид, Севиља, Њујорк Никс, Шарлот Хорнетс, Њу Орлеанс Пеликанс и Барселона, а сега ќе се обиде да донесе дополнителен квалитет во Уникаха.
