Кошаркарот на МЗТ Скопје, Андреј Магдевски беше успешно опериран по тешката повреда на коленото, добиена на неодамнешниот домашен меч против Тиквеш, соопштија од клубот од Аеродром.
Тој се повреди при пробив кон противничкиот кош, по што по низа лекарски консултации беше решено дека е неопходен оперативен зафат.
Плејмејкерот на МЗТ Скопје и на репрезентацијата на Македонија беше опериран од доктор Михајло Ивановски, специјалист по трауматологија во болницата „Аџибадем Систина“.
Од клубот му посакаа успешно постоперативно опоравување, а потоа и успешна рехабилитација, со надеж дека во рекорден рок ќе се врати назад на кошаркарскиот терен.
