Македонија убедлива против Ирска за петта победа во претквалификациите за ЕП 2029

Кошаркарската репрезентација на Македонија запиша нова победа во првата фаза од претквалификациите за Евробаскет 2029. Со убедливата победа над Ирска со 77:56 остварена вечерва во Скопје, избраниците на селекторот Жозеп Марија Берокал ја забележаа петтата победа и го потврдија првото место во групата „А“.

Прегледи:

Датум:

Кошаркарската репрезентација на Македонија запиша нова победа во првата фаза од претквалификациите за Евробаскет 2029. Со убедливата победа над Ирска со 77:56 остварена вечерва во Скопје, избраниците на селекторот Жозеп Марија Берокал ја забележаа петтата победа и го потврдија првото место во групата „А“.

Неизвесност имаше само во воведните минути, кога Ирска успеваше да одржи резултатски приклучок. Сепак, Македонија силно ја заврши првата четвртина, првпат создаде посериозна предност, а во продолжението ја презеде целосната контрола на играта. Со дисциплинирана игра во одбраната и добра реализација во нападот, македонските кошаркари рутински го приведоа мечот до крај и заслужено славеа.

Андреј Јакимовски натпреварот го заврши со 19 поени и 13 скока, Виктор Ефремовски придонесе со 12 поени, додека капитенот Војдан Стојановски постигна 10 поени.

Македонија последниот натпревар од групата ќе го одигра во недела, 5 јули, на гостински терен против Луксембург.

Вториот дел од квалификацискиот пат кон Евробаскет 2029 започнува кон крајот на август, а претходно ќе биде одржана и ждрепката за новата рунда, во која ќе бидат формирани четири групи со по три репрезентации.

Сподели:

повеќе вести
ПОВРЗАНИ

Нико Паз објасни зошто не се вратил во Реал Мадрид, но желбата сè уште постои

Нико Паз не се вратил во Реал Мадрид затоа...

Гвардиола го фали Клоп: Многу сум среќен што се врати на тренерската работа

Поранешниот менаџер на Манчестер Сити, Пеп Гвардиола, имаше само...

📸🎥 Чуамени останува „крал“ уште шест сезони

Реал Мадрид и Аурелиен Чуамени ја продолжуваат соработката до...

📷 Алкараз не е сериозно повреден, продолжува да игра во Торино

Шпанскиот тенисер Карлос Алкараз не е сериозно повреден, па...