КК Работнички АД Скопје соопшти дека нов член на клубот и големо засилување е искусниот крилен центар Тарик Брунчевиќ. Екипата на Работнички во Тарик Брунчевиќ добива сериозно засилување на позициите 4/5.
Брунчевиќ во текот на својата кариера настапувал во повеќе европски земји бранејќи ги боите на тимови од Србија, Романија, Словенија, Русија и Франција.
Со своите 206 сантиметри, физичка сила и меѓународно искуство, Брунчевиќ треба да донесе дополнителна цврстина во рекетот, сигурност во скокот и повеќе опции во офанзивата и дефанзивата.
Впечатлива беше неговата сезона 2024/25 во Шентјур, каде бележеше просек од 15 поени, 6 скока и 1,8 асистенции по натпревар, со што беше еден од важните играчи на екипата од Словенија.
Со ангажманот на Брунчевиќ, тимот предводен од Владимир Мирковски добива искусен и проверен играч под обрачите, кој треба да биде значаен дел од ротацијата на Работнички, стои во соопштението на клубот.
