Кошаркарот на Панатинаикос, Костас Слукас, успешно е опериран на левото колено, објави клубот од Атина. Слукас претрпе скинат менискус на левото колено за време на вчерашниот тренинг пред четвртфиналниот натпревар на тимот против Валенсија во Евролигата.
GET WELL SOON, CAPTAIN 💚
Ο Κώστας Σλούκας υποβλήθηκε το πρωί της Τρίτης (28/4), στο νοσοκομείο «ΥΓΕΙΑ», σε επιτυχημένη αρθροσκόπηση στο αριστερό γόνατο, λόγω ρήξης έξω μηνίσκου, από τον επικεφαλής του ιατρικού επιτελείου της ΚΑΕ Παναθηναϊκός AKTOR, Ιωάννη Τριανταφυλλόπουλο με… pic.twitter.com/7Y4tz2zTGT
— Panathinaikos BC (@Paobcgr) April 28, 2026
Утрово, тој успешно беше подложен на артроскопија на левото колено поради скинат латерален менискус.
Зафатот го изврши шефот на медицинскиот персонал на Панатинаикос, Јоанис Триантафилопулос, со помош на шефот на медицинскиот персонал на фудбалскиот клуб Панатинаикос, Дионисиос Хиса.
„Му посакуваме на нашиот капитен брзо закрепнување“, се вели во соопштението на атинскиот клуб.
Не беше прецизирано колку долго искусниот кошаркар ќе мора да отсуствува од теренот, но грчките медиуми објавуваат дека Панатинаикос се надева дека Слукас ќе може да се опорави за неколку недели.
Костас Слукас има просек од 9,6 поени, 5,1 асистенции и 1,9 скока по натпревар во 38 натпревари од Евролигата оваа сезона.
Првиот натпревар од четвртфиналето помеѓу Валенсија и Панатинаикос ќе се игра вечерва во 20:45 часот во Шпанија. Серијата се игра до три победи, а Валенсија има предност на домашен терен.
