ГРК Охрид со победа над репрезентацијата на Египет до 20 години го отвори турнирот „Крсте Андоновски“. Тие воедно го бранат и трофејот освоен минатата година.
Охриѓани славеа со 31:27 (15:12).
За најдобар играч на натпреварот беше прогласен Адама Кеита, кој постигна 7 погодоци, а помош имаше од Лиапис кој постигна гол помалку.
Блажески и Ѓорѓески се истакнаа на голот на Охриѓани со по 6 одбрани.
Во првиот дуел, македонскиот првак Вардар го победи со 39:27 (21:11) грчки Олимпијакос.
Ова беше втора победа на „црвено-црните“ во 24 часа откако вчера ја совладаа Војводина во дуел од Регионалната лига.
